nadja en suiza

hola queridas!!!!
ya voy a empezar a escribir en español.. :) aqui todavia estamos en otoño, bueno, mas o menos, porque ya cayo nieve. encontré trabajo en un sitio donde la gente puede venir para hacer velas, yo tengo que enseñarlos como lo hacen... me encanta este trabajo aunque no gano tanta plata. estoy trabajando con niños y ancianos, con jovenes y adultos... lo siento tengo que irme pero ahorita los voy a poner fotos de mi pais.... saludos y besitos

zmitzt in guatemala / reised noed mit travelcash

so ich maeldmi widermal. vo tegu ischs nachane zackig ufe nach la esperanza gange, es mega herzigs doerfli wo all gruessed und dich aalaechled und womer bis ez sbescht zmorge verschlunge haend ( schpiegelei, bohne, avocado, chaes, tortillas und en super kafi) deet haets ois so guet gfalle dassmer grad 2 naecht blibe sind obwohls eigentli nuet schpetziells gae haet zum aaluge... eifach de ort, tluet und datmosphaere haet ois deet phaltet.

so simmer daenn irgendwaenn per minibus (wo vollgschtopft xi isch mit luet und au immernome dezuecho sind) uf gracias cho, wommer fuer die noegschte naecht imene kafi-finca-hotel gwohnt haend. amene tag simmer daenn au miteme tuktuk (taxi wo usxeet wienen ape eifach miteme baenkli hine) zude heisse quaelle gfahre go wellnesse. ganz es nices plaetzli. am noegschte tag waers eigentli zude guatemala-graenze gange... daenn isch de roman am morge mit u meeeega durchfall ufgschtande und haet a demm tag sini kilometer zwuesched wc und bett ablaufe. dank hardkor-zapfe-medi simmer am noegschte tag doch bis santa rosa de copan cho, daenn isch ois sfluessig gaeld usgange. laessigerwiis haett weder e bank no eine vo dene 5 bankomate offe gha oder die wo offe xi sind haend noed funktioniert. so haemmer muesse ines uhuere tuers hotel ga (immerhin haemmer deet mit de visa vom roman choene zahle) und mit oisne 3 doller und 11 lempiras (50 rappe) oepis go zaesse sueche... gluecklicher wiis haemmer au es china reschtaurand gfunde wommer ganz guenschtig blutte riis haet choene bschtele! und promt findet dscheffin hinder de teke, mer choengi doch noed nume blutts riis aesse. aber oepis anders haemmer ois gar noed choene leischte!!! so haets si gfunde: hocked ane mir bringend oi oepis richtigs... und wusch sind 2 taeller riiseintopf mit fleisch deet gschtande und am schluss haemmer trotz baerehunger muesse kaempfe dasmer usgaesse haend. und das fuer 3 doller... sgitt halt doch no hilfsbereiti luet!

reisetag nach guatemala,
da am maentig de bankschalter wider offegha haet (phuu) haemmer choene oisi reis fortsetze. zersch vo santa rosa nach nuevo ocotepeque, vo deet ad graenze (agua caliente) und miteme wiitere bus diraekt innere halbraecherische fahrt (die guatemaltekische schoffoer kaenned gar nuet) nach guatemala city. ruckzuck vom bus is taxi und vom taxi in noeggschte bus (wo saeltsamerwis oises gepaek scho uf ois gwartet haet) . innere wiitere moerderische reis (und si kaenned wuerkli nuet) ischs nach antigua gange. antigua isch chli wines buenebild. mega suber, u huebschi gebaude, herzigs hotel, defuer anderscht vill turis, suvenirlaedeli und ale gugus. eifach fasade haft. und schowider kei fluessigs gaeld. vo travelcash redemer scho gar nuemm, da de kakk scho sitt nicaragua eh nuemm funktioniert, aber noedemal am roman sini visa haend dautomate gno. so simmer widermal uf de bank aagschtande und haend bibbered oeb skontolimit vom monet nani ueberschritte isch. aber phuuu todo bien!
so haemmer sogar oisi frueschgwaeschni woesch ide lavanderia go abhole. und am nami ischs daenn vo daemm kuenschtliche, jade-verchaufende antigua an lago atitlan gange.

Honduras

sola. geschter simmer nacheme tag busfahre und schtunde sinnlos ade graenze vo honduras warte, schlussaentli doch no uf tegucigalpa (hauptschtat vo honduras) cho. sisch schono verrukt wie vill chind da noed id schuel goend sondern ide buess oder ade graenze sache verchaufed oder eifach muend baettle... je laenger ich au umereis desto me verschtani wiso dassmr d ticos noedso laes findet in zentralamerika... im verglich zu de andere mentalitaete und hilfsbereitschafte sind die ticos eifach schturi verschlosseni chloez... =)

Unterwaegs

nachdem mir ois nachere wuche (mit 2 hammer konzert und enere krasse goaparti irgenwo im gschtruepp usse) aentli haend choene vo san jose traenne, simmer zersch ab, diraekt nach managua (hauptschtadt vo nicaragua) womer es anderscht feins mango goerri gmampft haend und vill zvill fuer de taxi zallt haend. en tag schpoeter ischs nach leon gange. det haemmer e mega gmuetlichi jugi gfunde miteme puul in form vomene grosse fuess undere bar wo de mojito nur 25 cordoba gchoschtet haet ( 18,irgendwas cordoba = 1 franke) was fueres faescht :) aber das ja huet scho wider nach esteli gange isch haemmer ois aso zrugg ghebed... dbusfahrt da ane isch uebrigens raecht abendtuerlich xi. leider hani skabel zude kamera grad irgendwo verleit (hoffentli im rucksack) darum chani oi de alt ami-schuelbuss grad noed zeige... aber ebe... 3 persone ufeme baenkli fuer 2 und das knap 4 schtund... so chuntmer sich noecher :)

nicaragua isch unglaublich. die abwaechslich rich landschaft, mit immermal wider emene vulkan, dluet wo dir au haelfed waend noed froegsch und eifach verloore usxeesch... oder eifach chli mit dier ploiderled... so sache findmer sehr wenig in costa rica...
esteli isch mega herzig undruig und stolle isch, dasses da so zaege kei turris haet. da gfahlts ois so guet dass mir grad beschlosse haend 2 taeg zbliibe. mal luege wos ois als noegschts aneziet... vermuetli gahts ez daenn gli mal nach honduras.

corcovado

sodeli da chund de pricht vo minere 2. feriewuche. oises ziil isch de corcovado national park ganz im suede vo costa rica xi. (han sogar charte gfunde) also wie dem auch sei simmer daenn am maentig lostuckerlet, d.h im bus vo san jose nach palmar norte (wiso dassmr scho deet usgschtige sind weissi eigentli au noed... eher e halbschlaui und umschtaentlichi idee xi) das deet daenn au noed witergange isch haemmer es taxi gno bis nach chacarita... dette haemmer uf de bus nach la palma gwartet.... wo ich amim reisegschpoendli no husch dhaar gschnitte han willer so heiss gha haet. irgendwaenn isch de bus daenn au cho. so simmer 2h im volle bus schtaendlings uf la palma ghoetterlet.




in la palma simmer daenn ines taxi gschtige wo ois zunere "jugi" bracht haet... die haetsich daenn allerdings als zimmli edels oekohotel usegschtellt... aber ebe... 30 doller pro person lit fuer ei nacht grad knapp no im buetschee. immerhin ischs aesse mega fein xi und s ambiente aso au...(bim zaebutze haetmer usblick uf de wald gha und uf e gruppe vo tukane hammer!!!)

am noegschte tag simmer daenn vo det zu de rangerstation los patos tschumpled... da mir jetzt winter haend also raegezit haet au de fluss wo normalerwiis dschtrass duregaht wasser gha und drus gaht hervor dass mir schlussaentli de groescht teil ide flipflop hinderois bracht haend wills ois nachem 2. mal schue-ab-schue-a verleidet isch d wanderschue nomal azlegge... so nach knapp 4 h und 20mal flussueberquere simmer daenn an in wald inecho und in sumpf... mit jedem schritt haemmer es kilo tonerde am schue chlaebe gha. so haemmer daenn fuer die agschriebne 2ehalb kilometer guet e schtund gha.



det acho haend die super guardaparques ois zersch xeit: sorri waenner kei reservation in la sirena haend choemmer oi noed durela. scheisse... kei reservation und mir muend alles wieder zrugwatschle... mir sind scho chli entduescht xi... mir haend daenn det uebernachtet und dguardaparques haend glaub chli mittleid mit ois gha... darum haends ois zum znacht iglade... so simmer is gschproech cho und schlussaentli wo daenn min reisegfaert au no gfundehaet dasser imene nationalpark schaffet, haets daenn gheisse: ok, aber ihr muend grad da de itrit zahle. kei sach!!! phu...

am noegschte tag isch daenn s richtige abentuer losgange.... 8h dur pure urwald. jaja es haet scho en waeg oder maengisch au 2... aber nachere schtund laufe merktmer das det d guardaparques nuemm schaffed... gluecklicher wis haemmer ois nie verlaufe...




ufm waeg haemmer daenn au affe und e schlange xe.

in sirena rangerstation hani daenn au serscht mal i minere haenge matte gschlafe. womich daenn au d mugge afange haend ufaesse dur puli, raegejagge, sideschlafsack und antibrumm...

am dunnschtig haemmer ois uf de waeg vo la sirena nach carate gmacht. die luet womer in la sirena troffe haend haend ois xeit mir bruched oepe 9h, will fascht alles am schtrand entlang gaht. und de "bus" isch z carate scho am 4i nach puerto jimenez gfahre. us dem grund haemmer au noed ziit gha a dem bezaubernde schtrand en laenger halt zmache um ois id fluete zwerfe... anderscht schad...

sodeli das langed fuer huet... schrib es andersmal wiiter

corcovado...

bin mega mued... und darum gitz dfoeteli und de reisepricht erscht noegscht wuche sorri =) es gruesst wieder aus turrialba nadja

no chli schoeni bildli

mini gaschttante haetmi chli usserhalb vo turrialba zum kafi iglade vorletscht wuche... schono schoen xi det =)