1 wuche

ez bini scho ei wuche da.
mini gaschtfamilie haet mi scho mega guet uufgno und ich han voll mini freiheite. (bin huet zum erschte mal elei id schtat :-) ) so chli zu minere faemeli:
da waer mal mis mami, d sandra, si isch u zuvorkommend und hilft ueberall wo si chan... aber ich han sgfuehl si wird wi chli usgnutzt zum bischpiil vo ihrere tochter... die isch andersch verwoehnt... si muss nur mit ihrere quengeli schtimm ruefe: maaaa ich wott marschmelous maaaa ich wott es schpiegel ei und keis ruerei mmmaaaa ich wott fernsehhluege... und wusch... si kriegts... ich bi glaub die erscht person wo ihre au mal nei seit... mitem junge hanis raecht guet... ich begleit ihn amix zur pulperia das isch wi sones quartierlaedeli. daenn haemmir no sonen "hund" also will heisse es tier wo uusxeet wine mischig us meersoili und puddel, die ganz faemeli schtaat voll uf das fiich... obwohls eim maengisch, so je nach luune mal is waedli biist... und es heisst peluche (=stofftier) naja...
ez im summer isches meega heiss... und nur saelte chunts am abig chli cho troepfle. oises barrio isch noed ade hauptwasserleitig aaghaenkt sondern amene tank. dementschpraechend schtellets ois amigs so um de mittag fuer unbeschtimmti ziit swasser ab... daenn chamer weder abwaesche no ufs wc ga... jaja so ischs halt.
vorgeschter hani serscht mal muesse fluechte... also is zimmer.... dsituation isch volgendermasse xi: mini chli schwoe haett i einere luutschterchi dinsey chanel glueget, min brueder haett am pc ballergames gschpillt und natuerli sini schwoe muesse uebertoene und mini ma haet is telefon bruellt und irgendwelchi rezaept uustuuscht... das ischmer daenn chli zvill kuenschtlichi grueschkuliisse worde und ich bi is zimmer gfluechtet und han chli normali musig glosed. mir gfallts da u guet... und geschter hani au min gaschtpapi kaenneglernt... mega en komunikative tuep und er wott mir uu vill verzelle... ja en teil verschtani scho aber bim rescht laechli daenn eifach und nicke, oder ich mach e geschte, dass er sini gschwindigkeit chli abetreit ;-) aber wasmer e chli zschaffe macht isch, dasses sozaege nuet natuerlichs git. weder d'grueschkulisse no saesse no dfarbe vo de vorhaeng oder de chleider ... alles isch so chli... hmmm schtelled oi mal d90er jahre vor :-)
also das waers mal! kuess oi!