PURA VIDA

da isch en chline bricht vo de vergangene wuche:
zersch simer in san josé aacho und daenn abholt worde. daenn simmer zunnere schtudiunterkunft gfahre, wo scho en seehr waehrschafte znnacht uf ois gwartet haet. mir sind aber so gschlisse gsi dassmer raecht schnaell id heia gfluechtet sind... und uebrigens amerikanerinne sind wuerkli so, wies zum bischbiil uf mtv zeigt wird... irgendwie beaengschtigend, a ber dadezue schpoeter! am noegschte morge haemmer aentli all mitprojektaner us aller waelt kaenneglernt. da waered 5 us belgie, 3 us kanada, 3 us daenemark, 3 us amerika, eine us schwede, eini us groenland, mir 4 us de schwiiz, 2 us oeschteriich, eini us duetschland. nach so soziale schpiili sind ois 10000000 tips an chopf gruert worde und daenn isches loos gange: nach finc de la flor. das isch e farm wo vonere duetsche ufpout worde isch so ganz nach rudolf steiner. alles da isch bio und s ziil isch so wenig wi moeglich kuenschtlichs zbruuche. skonzept vo da isch aso uuu schpanend, aber eifach zu detailriich ums so huschhusch zbeschriibe, ich saeg dem eifach oeko-bio-farm. mir aessed da nur vegi und haend 6h am tag schuel... und das vegi aesse beduetet andersch tolli zmorge (frischi fruecht, en mega feine suesse getreidetangel, ruerei, toscht...) und daennn sitzemer dusse ide chuele morgeluft und gnuessed die erschte suneschtrale.... so muess en tag aafange!!!! will heisse noed nume schuel sondern au actividad: exotischi fruecht probiere, tortillas choche, dfarm go aaguexle, chli vom land kaennelerne.... am abig isch jewiils programm wie salsa tanze oder chapuera zueluege, film oder eifach chli sii...

oise lehrer isch gan en luschtige... eigentli red er ja nur schpanisch... mir haend usegfunde, dass er aber oeppe 2 jahr ide schwiiz glaebt haet... wilheisse, dass er so ploetzli ueber oisi witz lached... ihr hettet oisi gsichter soelle xee...

dfotis choemed noni grad... aber ich lueg dasi si chan uelade sobaldi bi minere gaschtfaemeli aachobi.

uebrigens isch dbusfahrt, vo dem kaeffli nach cartago (woni ez im internet hoekle) isch scho es erlaebnis: 2 mal haets gmacht: tagtagtag und de motor isch abgschtorbe und de buss eifach imene schteilhang rueckwaerts gfahre... und die "schtrasse" ersch...

hasta la proxima
vermiss oi aso scho chli :-)